| Դատական վճիռը մայիսի 24-ին |
|
Այսօր /2010 թվականի մայիսի 19-ին/ ժամը 14:00 Էրեբունի և Նուբարաշեն վարչական շրջանների ընդհանուր իրավասության դատարանում կայացավ Նուբարաշենի թիվ 11 հատուկ /օժանդակ/ դպրոցի սաների նկատմամբ նույն դպրոցի ուսուցիչ Լևոն Ավագյանի կողմից անառակաբարո գործողություններ կատարելու փաստի առթիվ հարուցված քրեական գործի դատաքննության հերթական նիստը: Տուժողների փաստաբանները ներկայացերցին իրենց ճառերը, որոնցում մանրամասն ներկայացվել էին հատվածներ երեխաների վկայություններից, տարբեր ծեծի և սեռական ոտնձգությունների օրինակներ: Քննարկվեց նաև մեղադրող կողմի առաջադրած պատժաչափը, որը ըստ փաստաբանների շատ մեղմ է, և նրանք ներկայացրեցին, որ պետք է հաշվի առնել այն փաստը, որ տուժող անձ մեկ հոգի չէ և պատիժը խստացնել ըստ տուժողների քանակի: Ամբաստանյալի պաշտպանը խոսեց այն մասին, որ ամբաստանյալը մեղանչել է և ներողություն է խնդրում, սակայն այստեղ ևս տուժողների փաստաբանները առարկեցին, որ մեղանչող մարդուն վայել վարքի ոչ մի դրսևորում չեն նկատել: Ըստ նրանց, մեղանչող անձը ներողություն կխնդրեր, կամ կգնար կգտներ տուժողներին և անձամբ կխոսեր իրենց հետ, կփորձեր որևէ դրական քայլ իրականացնել, օգնություն ցուցաբերել: Նիստին ներկա հանրույթը ևս անտարբեր չէր ճառերին, մարդիկ հայտնում էին իրենց կարծիքը ծափահարություններով կամ զայրույթ և բացասական զգացողություններ արտահայտող ձայներով: Ի վերջո, բոլորին լսելուց հետո, դատավորը հայտնեց, որ վերջնական վճիռը կհրապարկվի հաջորդ նիստին, որը կկայանա մայիսի 24-ին ժամը 16:00 նույն դատարանում: Մենք կրկին կհավաքվենք դատարանի առջև մեր հաղորդագրություններով: Մայիսի 24-ին ժամը 15:30: Միացեք մեզ, Ձեր ներկայությունը կարող է որոշիչ լինել: |
