19.05.2010

Մամլո հաղորդագրություն
17 Մայիսի, 2010թ.
Կոնտակտ` Տաթևիկ ԱղաբեկյանՀեռ`010-51-91-68 կամ 094-56-56-26
Էլ.հասցե` This e-mail address is being protected from spambots. You need JavaScript enabled to view it

2010 թվականի ապրիլի 26-ին կայացավ Նուբարաշենի թիվ 11 հատուկ /օժանդակ/ դպրոցի սաների նկատմամբ նույն դպրոցի ուսուցիչ Լևոն Ավագյանի կողմից անառակաբարո գործողություններ կատարելու փաստի առթիվ հարուցված քրեական գործի դատաքննության առաջին նիստը /Էրեբունի և Նուբարաշեն վարչական շրջանների ընդհանուր իրավասության դատարանում դատավոր` Ա.Գաբրիելյանի նախագահությամբ/: Մեղադրյալը տարիների ընթացքում շարունակաբար անչափահասների նկատմամբ իրականացրել է անառակաբարո գործողություններ, սակայն վերջին նիստի ժամանակ /մայիսի 12/ որոշվեց իրականացնել արագացված դատաքննություն /որի արդյունքում պատիժը կիսով չափ կկրճատվի/, նաև դատախազը որպես պատիժ ներկայացրեց 1 տարի և 6 ամիս դատապարտում, որը, մեր կարծիքով, նման հանցագործության համար բավականին մեղմ պատիժ է:

Այս ամենը հաշվի առնելով` մայիսի 19-ին ժամը 13:30 հավաքվում ենք Էրեբունի և Նուբարաշեն վարչական շրջանների ընդհանուր իրավասության դատարանի առջև հայտնելու մեր կարծիքն ու անհանգստությունը:

Ուզում ենք հիշեցնել, որ Հայաստանը ստորագրել և վավերացրել է Երեխաների իրավունքների պաշտպանության մասին ՄԱԿ-ի Միջազգային Կոնվենցիան: Սակայն երեխաների նկատմամբ սեռական ոտնձգությունների և բռնությունների նկատմամբ մեր այսպիսի անտարբեր վերաբերմունքով և մեղմ դատավճռով մենք ցույց ենք տալիս, որ մեր երկիրը հանդուրժում է պեդոֆիլիան և սեռական բռնությունը: